الاسطي اسلام

شوف دراستك دلوقتي أهم وجابلي احسن مدرسين في البلد ويفضل شغال طول النهار وييجي من الشغل يعملي أكل ويغسل هدومي ويتطمن إني ذاكرت كويس لحد ما ربنا كرمني وماكسفش اخويا وتعبو معايا وجبت ٩٧٪ في ثانوية العامة ودخلت كلية هندسة ساعتها كان اخويا ماشي في الشارع يقول اخويا بقي مهندس ربنا مكسفنيش وتعبي مارحش ومن فرحتو لاقيتو واخدني من إيدي ورايحين مسددين ديون ٥ غارمات ومخرجينهم من السچن علشان ربنا يديمها علينا نعمة ونفك ضيقة غيرنا زي ماربنا فكها علينا دخلت الكلية بقى ورجعت تاني الورشة بس قبل الامتحانات بشهر ونص كان يطردني علشان اذاكر كنت باكل الكتب علشان اشوف نظرة رضا في عينه وافضل مشرفو قدام الناس وبفضل الله طلعت الأول على دفعتي ٥ سنين وعينوني معيد في الجامعة ومن يومها ماليش غير الكلية والورشة وإسلام. 

وانا مش مكسوف من اصلي انا واخويا على فكرة وجزمتو هتفضل فوق راسي لحد ما اموت وعمري ما هانسى فضلو عليا وإن لولا وجودو كنت هفضل عايش على الصدقة ودلوقتي انا جاي اهو وقاعد قدام حضرتك وبقولك إني ميكانيكي زي اخويا وابويا قبل ما أكون دكتور في الجامعة. 
أنت أخوك عمل كل دا..
وأكتر بكتير كمان. 
طب أعذرني يابني بس الأصول بتقول إن اللي مالوش كبير يشتريله كبير وانا هتكلم مع الكبير بتاعك انا مشتاق إني اشوفو واقعد معاه فهستناك تيجي انت وهو الخميس الجاي بعد المغرب بإذن الله
اتفقنا يا عمي. 
سبته ومشيت وانا راجع عالبيت جبت أشيك طقم عيني جت عليه علشان أديه ل إسلام
جه يوم الخميس وواقفين قدام باب بيت العروسة 
شكلي حلو يا إسلام 
قمر اوي. 
امال انا ليه متوتر كدا  
عشت وشفتك عريس متوتر يا باشمهندس. 
لولا وجودك ماكنتش هكون كدا.
يعني مش مكسوف مني يا واد 
انا اتباهى بجزمتك قدام الخلق كلها 
ورحت بايس إيدو ورانن الجرس والد العروسة فتح الباب وبصلنا بإستغراب ودخلنا
منورين يابني والله.
بنورك يا عمي. 
امال الأسطي إسلام ماجاش معاك ليه زي ما اتفقنا  
بصيت لإسلام وضحكنا 
وبعد كدا إسلام بصلو وقال  
ازيك يا عمي انا الأسطى إسلام.
من الصدمة الراجل وقف مكانو
الأس... الأسط...
والكلام مش قادر يخرج من لسانه
الأسطى إسلام اللي عاش عمره كله لأخوه سند بنت أصلا مش ولد ! 
راحت ضاحكة 
لا مش علشان لابسة فستان أزرق هكون حد تاني والله اروح ألبس هدوم الورشة واجيب العدة واجيلك. 
راح باصصلي ب عتاب وقايل 
انت ليه معرفتنيش إنها بنت يا احمد  
انا اللي قلتله يا عمي إن لو جت سيرتي يعمل كدا علشان لو في حالة الرفض اهو يكون إترفض وخلاص من غير من يحكي تفاصيل زي دي. 
يعني القمر اللي قدامي دا وعينيه زرقا ورقة وأنوثة
الدنيا كلها فيها فتحت ورشة وهي عندها ١٣ سنة  
علشان نجيب مصاريفنا ونفسنا متتكسرش ولا نصعب على حد.
وضحيتي بعمرك اللي فات كله علشان اخوكي واضحي بالباقي منه كمان إحنا كدا يا عمي ربنا خلقنا كدا برغم الحنية اللي فينا لو اتحطينا في موقف صعب لازم نكون رجالة و أد المسؤولية ودا اللي عملته مع كل الناس وأولهم اخويا هكون راجل معاه قدام الناس بس بيني وبينه اخته وامه وحبيبته. 
فماكنش ينفع اتعامل بشخصية بنت في وسط الظروف دي كلها كنت هكون لقمة سهلة ومن يومها وانا الأسطى إسلام اللي كله عارف إنها بنت بس ب ١٠٠ راجل مش البنوتة اللي واقفة قدامك بفستان وحاطة مكياچ وجاية تطلب ايد بنتك لاخوها. 
ساعتها عينه كلها بقت مليانة دموع 
انا موافق يابنتي والله العظيم موافق وبدي اخوكي أغلى حاجة في حياتي وكلي شرف إنكم هتكونوا جزء من عيلتنا وإسلام بصالي بعيونها الزرقا اللي كل مرة ټخطف قلبي وبتقولي وهي بتضحك مبروك يا بشمهندس. 
تعرفي إنك بالفستان أجمل بنت في الدنيا 
حد يقول ل الأسطي بتاعو كدا !
أسطى ايه بقى انا شايف ملكة جمال واقفة قدامي.
خصم اسبوع من مرتبك علشان بتعاكسني. 
بحبك يا ماما.
كدا ٥ ايام.
ومليش غيرك يا قلبي.
نخليهم يومين طيب 
ويا كل أهلي وناسي.
لا انت تيجي في حضڼي بقي. 
نفسي اسأل كل واحد بشهادته وتعليمه بيتكبر على باقي الخلق وعايش حياته مغرور وأقوله يا ترى لما تقابل ربنا هتقوله معلش دخلني الجنة اصل انا دكتور !
فنصيحة مني لحضرتك يا كل مغرور في دنيتك 
مهما بلغت السلطة والجاه 
خليك فاكر يا شاطر إن من فات قديمه تاه .
والي ملوش خير في أهلو ملوش خير في حد .