الچريمه الاولي
يقدر
دعاء نزلت التدريب مع صحبتها كانت مبسوطة جدا وهي اخيرا في بيتها وبتدرس وتشتغل كمان اخيرا حست بالاستقرار اللي فقدتة بعد مۏت ابوها
شاديه مش بتسيب سوما نهائي ديما معاها وسوما كمان وجود شاديه و دعاء جمبها هون عليها كتير اوي
عم سوما رجع البلد بعد ما فشل تماما أنه يهرب ابنه وفشل أنه يقرب من سوما بسبب عمرو اللي عينه عليه ديما
صباح يوم جمعه كانت شاديه بتحضر الفطار هي وسوما وهي متحمسة اوي وفرحانة
سوما
_اية يا طنط براحة هقع علي وشي وانا طالعه من المطبخ في ايه للاستعجال دا كلو
_فرحانة يا ستي أن عمرو هيفطر
معانا وعايزة احضر كل حاجة بسرعه الله يلا شهلي شويه قرب يخرج من اوضته
سوما
_ما يخرج من اوضته ولا يمشي علي الحيطة حتي اعمله ايه انا وبعدين فين بنتك هه
شاديه بتذكر
_اه صحيح دا انا نسيت دعاء يالهوي عليا كملي حط الاكل علي ما اصحيها بسرعه يلا
سوما
_بالسم الهاري علي قلبه
_ليه كدة طيب انا كلمتك دلوقتي انتي لسانك ديما كدة بيحدف دبش مش هتتغيري ابدا
سوما
_بيحدف دبش للباردين وبس
عمرو
_نعم ! قولتي ايه سمعيني تاني كدة
سوما ارتبكت وقبل ما ترد كانت شاديه خرجت من اوضة دعاء
شاديه
_الله انت صحيت يا عمرو صباح الخير يا حبيبي
عمرو وهو عينيه علي سوما
_صباح الفل يا قلبي انتي
_هتقضي معانا اليوم النهاردة ولا خارج وقبل ما يرد كملت هي قبل ما ترد حاول تكون موجود لو خارج علي سبعه كدة هه
عمرو باستغراب
_اشمعني علي سبعه
شاديه
_اصل استاذ عبد السلام جارنا هيجي هو ومراتة
وابنه علي سبعه كدة عشان يطلبو مني ايد سوما ف ياريت تكون موجود
_يطلبو ايد مين وابنهم مين حسين المعفن اللي عاملي فيها دكتور
شاديه ابتسمت
_لا لا لا دا حسين دكتور اطفال قد الدنيا اخس عليك يا عمرو متقلش عليه كدة
خرجت سوما كان عمرو واضح عليه الڠضب وشاديه مبتسمة اوي
سوما باستغراب
_مالكم في ايه
عمرو بتريقه
_تعالي يا عروسه قولي رايك انتي كمان
سوما كشرت
دعاء خرجت من اوضتها
_صباح الخير يا أبيه .. صباح الخير يا عروسه
عمرو بغيظ
_اهو مقلتش حاجة انا اهو حتي دعاء بتقولك يا عروسه ايه مكسوفه ولا فاكرة اني مش هعرف هه
سوما بحدة
_اتكلم كويس يا عمرو وانا مش فاهمه اصلا ايه عروسه اللي بتقولها دي هتفهمني ولا تسكت احسن
شاديه بهدوء
_دكتور حسين ابن عمك عبد السلام اللي في الدور الأول طلبك للجواز يا حبيبتي وانهاردة هيجيو يتكلمو رسمي في الموضوع
سوما استغربت ولسه هتعلق قاطعتها دعاء
_بقولك ايه بعد ما نفطر نقعد سوا بقا نشوف هتلبسي ايه
سوما جت تتكلم قاطعتها المرة دي شاديه
_ يلا نفطر الاول وبعدين نتكلم يلا
عمرو پغضب
_هو ايه اللي يلا نفطر الاول بص ل سوما انتي فعلا موافقه علي زفت الطين دا
سوما بصتله بتركيز حاولت تفهم هو ڠضبان ليه ولما صمتها طال عمرو اتعصب اكتر
_ماتردي عليا يا سوما انا مش بكلم نفسي
سوما بهدوء
_طب انت متعصب اوي كدة ليه مش فاهمه
عمرو بيحاول يسيطر علي غضبه
_اخلصي يا سوما انا علي أخري .. انتي موافقه علي الكلام دا هتقعدي مع زفت دا فعلا
سوما بهدوء
_وايه المشكله
عمرو بدون وعي
_نعم يا روح امك !!!! المشكله اني بحبك وانتي عارفه دا واللي هيقرب من الشقه هنا هكسرله رجليه الاتنين تمام ومفيش اكل سديتو نفسي علي الصبح
لسه هيتحرك شاديه اتكلمت
_تعال يا آخرة صبري دكتور حسين خطب من يومين بنت خالته ونزلنا باركنا لطنطك سهام كمان تعالي يا ابن الموكوسه
لف بصلهم بغيظ وشاديه و دعاء بيضحكو عليه وسوما مصډومة من اعترافه ومكسوفه ومش عارفه حتي تتحرك من مكانها عمرو قرب منهم تاني
عمرو
_وايه لازمتة الهزار البايخ دا هه انا كنت نازل اديلو بوكسين في وشه يخلوة ينور في الضلمة ينفع كدة
شاديه بضحك
_اعملك ايه لاقيتك مستعبط قلت اخليك تتحرك شويه ولعلمك والله بجد مش هزار بايخ في عريسين اتقدمولها
عمرو كشړ تاني
_هو يوم اسود من أوله مين دول شافوها فين وكلمو مين بص ل سوما حد كلمك انتي نزلتي اصلا من البيت من غير ما اعرف
سوما ساكتة
عمرو بغيظ
_ماتردي علي أمي مش بكلم نفسي انا مين دوووول
شاديه ابتسمت
_كلمني انا ملكش دعوه بيها ... عموما واحد محاسب في المعرض بتاع الحج صبري الله يرحمة والتاني ابن الدكتور بتاعي شافها معايا لما رحت اكشف اخر مرة ارتحت كدة
عمرو بعصبيه
_والهانم بقا اتكلمت معاهم ولا ايه ال حصل بالظبط ما تتكلمي يا سوما القطة كلت لسانك دلوقتي ولا ايه
سوما اخيرا صوتها طلع
_ا انا احم انا متكلمتش مع حد والله أسأل طنط حتي
عمرو
_اومال
اتقدمو ليه هه
شاديه
_الله هو لازم يتكلمو معاها شكلها حلو وباين عليها
