همس المالك

كنت خاېفة عليه بجد.. روحت له على المستشفي جري.. 
_ لو سمحت فين اوضه الباشمهندس اااا مالك.. 
_ الاسم الثلاثي لو سمحتي يفندم.. 
ارتبكت _ اسفه معرفوش.. 
_ ولا يهمك يفندم.. طب جه الساعه كام
_ علي ااالساعهالصبح.. 
_ تمام يفندم الدور اللي فوق علي ايدك اليمين غرفه رقم.. 
_ تمام شكرا.. 
بحب _ عادي يا انسه ولا يهمك لو حبيتي تسألي علي حاجه انا تحت امرك.. 
بلا مبالاه_ هه شكرا.. 
وصلت اوضته اخيرا واخدت نفس ودخلت.. 
_ مالك اا بجد انا اسفه اوي علي اللي حصل الصبح مكنتش اعرف ان.. 

_ بره..
بصدمه_ ايه!
ببرود _ بره.. اطلعي بره حياتي بقا.. انا كرهتك مش عايز اعرفك تاني.. انا خلاص لقيت اللي اكمل معاها حياتي..
كان محطوط نضاره نوم علي عيونه وهو بيقولي الكلام ده. نزلت مني دموعي بقهره ونا بسمع كلامه الچارح ..
_ اللي تشوفه يا مالك. مع اني مكنتش اقصد اللي حصل كنت فاكره انك هتتقبل اللي عملته واني همرمطك عشان توصلي زي ما بشوف فالروايات.. بس للاسف طلعت غلطانه.. مكنتش اعرف انك هتنساني بالسرعه دي دا احنا مكملناش اسبوع ع قريان فتحتنا..انا..انا انا كنت بدات احبك. 
طلعت مني شهقه وقولت بصوت مبحوح _ خلاص انا هخرج من حياتك.. 
لقيته شال النضاره من علي عيونه والسماعه اللي في ودنه كمان.. واضح انه مسمعش الكلام اللي قولته. 
وبصلي باستغراب ومشاكسه _ ايه ده نموسه بنفسها جيالي المستشفى ههههه انتي عامله زي اللي ېقتل المېت ويمشي في جنازته.. 
وكمل بحزن مصطنع _ شايفه شايفه عمايلك ادوني حقنه وانا بخاف من الحقن.. ايه ده معقول بټعيطي عشاني لا لا مش عايز اشوف دموعك.. 
كنت واقفه زي التايهه بسمع كلامه وانا شبه واعيه.. 
_ مالك مبترديش ليه
عيطت وجريت عليه حضنته وقعدت اعيط.. اخدني في حضنه بحنيه وقعد يطبطب عليا. 
_ انا كنت فاكره انك انك زعلت مني ومش عايز تعرفني تاني! انا مش فاهمه ايه ده ولا حتي في ايه امال الكلام اللي قولته كان لمين.
ضحك _ قولي بقا انك سمعتي الكلام اللي قولته لخطيبتي السابقه متقلقيش يا نموسه انا استحاله اسيبك انتي ملاك ازاي اقولك الكلام ده الكلام ده كنت بقوله للحربايه خطيبتي السابقه بس كده.. لكن انا بحبك يا جميل.. 
عيطت بفرحه _ وانا كمان.. 
پصدمه _ ايه قولتي ايه
بكسوف _ انا انا انا لازم امشي اتاخرت.. الف سلامة عليك.. 
وطلعت اجري علي بره وقلبي بيدق..
عدت الايام وانا ومالك كويسين وفي قصه حب بتبدا مابينا.. اتعودت ع وجوده حسا ان حياتي كانت ظلمه وهو جه ونورها ليا.. كنت قاعده في اوضتي بذاكر.. لقيت بابا ناداني.. 
_ تعالي يا همس.. 
_ نعم يا بابا
_ مالك حابب ان الخطوبه تبقا يوم الخميس الجاي ايه رايك 
_بس يا بابا دراستي مستعجلين علي ايه.. 
_ يا بنتي هو عايز يبقا في حاجه بينكم ان شاءلله تكون دبله.. لكن الجواز بعدين..
_ تمام يبابا موافقه. 
دخلت اوضتي منكرش اني كنت مبسوطه.. بس خاېفه ارتباطي بيه يشغلني عن الدراسه.. 
جه يوم الخميس بسرعه.. جت ريم صحبتي الصبح صحتني وبدانا اليوم مع بعض مابين الماسكات والحجات دي.. وهو كان معاه اصحابه بيجهز تقريبا.. استغربت انه مكلمنيش يوم الخطوبه خاالص مع انه كل يوم يقرفني بس معملهاش النهارده. قولت يمكن مشغول بتجهيزات
الخطوبه مش فاضي.. 
بالليل.. كل حاجه كانت جاهزه لبست فستان لبني كان بيلمع ومنفوش وكان رووعه وفردت شعري وحطيت تاج ابيض عليه لميع لبني كان تحفه وحطيت ميكب سيمبل.. اتصورت صور كتير جدا من كتر فرحتي بشكلي..استنيت ف الكوافير نص ساعه وكنت زهقانه من التاخير ده.. 
_ اجهزي يا عروسه العريس جه .. 
اتكلمت ريم بفرحه ليا وكانت مدمعه_ اخيرا جه اليوم اللي بقيتي فيه اجمل عروسه ربنا يفرحك الف الف مبروك.. 
حضنتني ودمعتي نزلت من الفرح ريم حرفيا اجمل واوفي صديقه عمري ماهلاقي في طيبتها وحنيتها ولمعه عنيها لما تلاقيني فرحانه..
دخل مالك وانا كنت مدياله ضهري و مدمعه.. 
لفني لي بهدوء.. وهو فرحان.. عيطت وأنا ببص له فابتسم لي ومسحلي دموعي ومسك ايدي وخرجنا.. كنت فرحانه جدا فرحتي لا توصف بجد.. ركبنا العربيه.. 
وصلنا القاعه بعد ساعه من الرقص في العربيه وطبعا الزفه اللي كانت ورانا كانت شغاله والفرح كان مالي المكان.. نزلت ودخلنا القاعه..