سيده عجوز
مع ميرا بليل وكنت عايزك تحجزلي في مطعم كويس انت اللي عارف يعني عني في الحجات دي
_طبعا يا حبيبي انت تؤمر هكلم المطعم احجزلك ده مطعم تحفة وهيعجبك
_تمام عندي حالة هشوفها وبعدين اجيلك تقولي العنوان فين يلا سلام وخرج
_رائد كلم دنيا وظبطو كل حاجة سوا هما واحمد كمان
_واو المطعم ده تحفة يا حبيبي بجد زوقك يجنن
_هو بصراحة زوق رائد صحبي هو اللي حجزلنا بس اختياره موفق ها هتاخدي ايه
_امممم اختارلي علي زوقك ايه رأيك
_اوك ماشي وفجأة بيبص لقي ايمان دخلت المطعم هيا ودنيا واټصدم واول ما شاف احمد معاهم اټجنن وميرا بتكلمه وهو مش مركز معاها وكان شايط بس هو هيروح عند ايمان ازاي وهو قايلها انه في شغل وهيا متعرفش انه خارج مع حبيبته بس دنيا شافته وخدت بالها انه شافهم راحت شاورت علي كرسي قريب منه وقالتلهم تعالو هنا احسن ولسة ايمان هتمشي راحت دنيا حطت رجلها وكعبلتها ولسة ايمان هتقع راح احمد لحقها ا كانه حاضنها هنا بقي عمر اټجنن قام ومهموش حاجة ودخل عليهم پغضب
_عمر انت فاهم غلط والله ده انا كنت هقع وبعدين لو كنت قولتلك ان احمد خارج معانا مكنتش هترضي
_دنيا حاولت تهدي الدنيا هو انت جيت ازاي يا دكتور عمر
_عمر اتوتر احم انا انا هنا مع ميرا وبص لايمان
_دنيا لا ازاي طالما هنا تعالو نقعد كلنا مع بعض وضغطت علي ايد ايمان اللي حاسة انها في عالم تاني واحمد قالهم فكرة كويسة اهو نتعرف
_ ميرا متابعاهم من بعيد بغيظ وغل وعمالة تبرطم عشان ضيعو عليها الليلة واتغاظت انه غيران علي ايمان
_ احم. ميرا اعرفك دي دنيا صحبة ايمان وده احمد يبقي مديرهم وصديق ليهم
_ببرود اهلا
_احمد بص لايمان وحب يغيظ عمر اكتر راح قالها ايه يا ايمي مالك متزعليش بقي عشان خاطري ده انتي غالية عندي اووي ومش بحب اشوفك زعلانة
_ دنيا قالت طيب ايه يا جماعة انا جعانه مش هنطلب الاكل واحمد بص لايمان انا هاخد زي ايمي عشان واثق في زوقها اللي يجنن ولا ايه يا قمر وايمان بصتله وابتسمت
_عمر لحد هنا ومش قادر يمسك نفسه ايمان يلا بينا
_وانا قولت مش هنقعد اكتر من كدة يلا بينا دنيا معلش خلي احمد يوصلك اصل انا ومراتي هنتمشي سوا وحط ايده في وسطها بتملك وبص لاحمد اللي فرح من جواه واتاكد انه بيحب ايمان بس بيكابر
_ايمان اټصدمت من رد فعله
وجت تبعد هو مرضاش يسيبها وقالهم يلا سلام يلا يا حبببتي ونسي ميرا تماما وكان كل همه انه يااخد ايمان بعيد عن احمد لانه غيران عليها منه
_واول ما روحو ودخلو اوضتهم ايمان شدت ايدها منه پعنف
_انت ايه اللي عملته ده وازاي تدي نفسك الحق انك تخليني امشي معاك بالطريقة دي
_زي ما انتي اتحدتيني وخرجتي مع اللي اسمه احمد ده مع اني منبه عليكي متكلمهوش بس مش تخرجي معاه كمان
_انا عارفة حدودي ومخرجتش معاه لوحدي ثم ده صديق ليا وانت اصلا ملكش اي حق انك تتكلم انت اديت لنفسك الحق انك تخرج مع حبيبتك عادي ومتعملش اي حساب لكرامتي وبتحاسبني دلوقتي بأي حق هه انت جوزي عالورق بس انت فاهم وملكش عندي اي حقوق ولو انا بحفظ كرامتك قدام اي حد فده لاني عارفة حدودي كويس لكن الدور عليك انت معملتش اعتبار حتي واستنيت اما نطلق انا بكرهك يا عمر بكرهك وفضلت ټعيط بحړقة
_انا اسف انا مقصدتش اني اجرحك بس انا محستش بنفسي ولا بتصرفاتي اټجننت اما شوفتك داخلة معاه وكمان لم هو لمسك ولحقك قبل ما تقعي بجد كنت هتجنن
_ياااه انت اناني اوي ومفكرتش في احساسي
لما اعرف انك هناك مع حبيبتك بعد كدبك عليا بانك عندك شغل
ذيادة انت كداب واناني وانا خلاص مش هقدر اكمل في التمسلية السخيفة دي اكتر من كدة طلقني يا عمر
_انتي بتقؤلي ايه انتي
اټجننتي لا طبعا مستحييييل
_وانا خلاص تعبت ومش هعرف اعيش كدة انا عايزة ارجع لحياتي تاني لو سمحت طلقني
_اه قصدك ترجعي لاحمد مش كدة لا يا ايمان مش هطلقك انتي ملكي ومحدش هيقدر ياخدك مني عشان وسكت
_وانا بكرهك ومش عايزة اعيش معاك هو بالعافية
_ايوة عشان بح...... وقطع كلامهم صوت خبط جامد
_ماماااا
