قصر الغريب بقلم اندرو الشريف

ما بين الفضي والذهبي يعني في التصوير هتبقى خيال وعلى الرغم إن القصر قديم الا انه تراث يستحق يبقى متحف بعدين بالذات اللوح اللي كانت متعلقة على الحيطان معظمها كانت لناس بجناحات بصيت لشلبي وانا مذهول من الديكور وقولتله
بس ايه الديكور الغريب ده ياض يا شلبي كان في ملايكة عايشة هنا ولا ايه
اه ابن الغريب ده كان ملاك بس بعدين اتحول لشيطان.

وانت تعرفه منين ابن الغريب ده
ضحك وهو بيرد عليا بتريقة
بتتبعت انت بسرعة يا ربيع وانا اش عرفني مين الغريب اصلا انا كل اللي اعرفه ان المكان تحفة للتصوير فانت خدلك اللقطتين بتوعك بعدها نخلع من هنا.
ماشي كلامك يلا نبتدي.
خدت كام صورة حلوة والشمس اللي داخلة القصر بدأت تغيب فقولت لشلبي نمشي دلوقتي وبكرة الصبح اجي أخدلي كام صورة كمان وابعتهم لي لجنة التحكيم وافق على كلامي ومشينا من القصر زي ما جينا اول ما روحت نمت ساعتين ولما صحيت نزلت الصور على اللاب وبدأت اتفرج عليهم بس لفت انتباهي خيال متكرر في كل صورة الغريب إنه خيال لشخص بجناحات هو هو متكرر في كل الصور تقريبا وعلى الرغم من كده انا ماتضيقتش من الموضوع لانه كان مدي لمسة فنية بس برضه كنت مستغرب مع ذلك أتحمست أكتر للمسابقة واللي هيحصل فيها فخلصت تفريق الصور وقفلت اللابتوب بعدها نمت صحيت تاني يوم اتصلت بشلبي عشان نروح القصر مرة تانية مافيش ربع ساعة إلا وكان تحت البيت وبعد ما وصل خدت نور ونزلت ركبت العربية وطلعنا على القصر واحنا في الطريق افتكرت موضوع الصور والخيال اللي كان فيها
بقولك ايه ياض يا شلبي ااا.
ياض!.. ويا شلبي اسمي استاذ شلبي يا حيوان.
طب يا استاذ شلبي يا حيوان انا كنت عايز اسألك على حاجة.
حيوان!! لا ده انت نسيت نفسك خالص لولايا ماكنش هيبقى معاك لا صور ولا يحزنون ولا ايه غراب البرك
يا سيدي ماهو المشكلة في الصور.
ايه.. طلعت وحشة
وحشة ايه الصور فوق العظمة بس في ملاك نزل من السما وطلع في الصور تقريبا.
ياااه.. هي الصور حلوة للدرجادي عشان ملاك يطلع فيها
يا سيدي ماقصدش هزار.
ولا تقصد اديك هتشوف الملاك تاني احنا وصلنا.
وقتها كنا وصلنا القصر وشلبي قالي انزل وزي امبارح كررنا نفس اللي حصل نطينا من على السور ودخلنا من شباك الحمام بعدها طلعنا على الريسبشن وخرجت نور من الشنطة عدى ربع ساعة وانا بصور وشلبي جاتله مكالمة شغل حاول يلغيها بس أنا رفضت قولتله ده اكلك عيشك مش هتستفيد حاجة لما يروح منك بالذات ان هو شغال بالطلب يعني فين وفين لما حد يكلمه على شغل عشان كده رفضت انه يقعد معايا وافقني الرأي ومشي قبل ما يمشي قالي اطلع الكاميرا من
الباب الأمامي بين
 الحديد عشان ماتكسرش ولما اطلعها انط أنا أول ما خلص كلامه أخد بعضه ومشي اما انا كملت تصوير ولما خلصت شغل في الريسيبشن طلعت فوق ودخلت غرفة من الغرف كانت اول واحدة على ايدي الشمال وقفت جواها للحظات ومالقتش حاجة مميزة ممكن أصورها وقتها قولت لنفسي كفاية صور لحد هنا وإن اللي معايا كفاية في اللحظة دي نور وقعت من ايدي ڠصب عني ميلت اجيبها وايدي بتترعش من خۏفي عليها وأنا بميل خدت نفسي وبلعت ريقي شيلتها من على الأرض واتطمنت عليها الحمدلله كانت تمام ومافيهاش حاجة بس الغريب انها كانت شغالة على مود الفيديو والأغرب إن في فيديو كان متصور جوة الأوضة بالتحديد وقت ما الكاميرا وقعت على الأرض لكن مدة الفيديو كان اكبر من الوقت اللي وقعت فيه وعشان كنت مش فاهم اللي بيحصل فتحت الفيديو وهنا كانت الصدمة لقيت شخص قاعد على السرير اللي قدامي طب الشخص ده جه منين أو ازاي ظهر فاجأه ده اللي عرفته بعدين لما لقيته بيتكلم وبيقول
تتبع
ماتنساش تعمل لايك وكومنت برأيك بعد ما تقرأ عشان ده بيشجعني أكمل ولو عجبتك القصة يا ريت تاخدها شير وبس كده اشوفكوا في الجزء التاني
أندرو_شريف_المخوفاتي
قصر_الغريب